Կոսովոյում ռազմական բախումների վտանգը մոտ է և լուրջ. Վուչիչ

Սերբիայի նախագահ Ալեքսանդր Վուչիչը հայտարարել է, որ Կոսովոյի ինքնահռչակ հանրապետությունում ռազմական բախումների վտանգը մոտ է և լուրջ, հայտնում է ՌԻԱ Նովոստի-ն:

Նրա խոսքով՝ Պրիշտինայի քայլերի պատճառով Սերբիան կանգնած է անվտանգային լրջագույն մարտահրավերների առջև:

Նախագահն ընդգծել է, որ հատկապես Կոսովոյի հյուսիսում ավելացել է Պրիշտինայի ոստիկանության հատուկ ուժերի ներկայությունը:

«Ուժային բախման վտանգն իսկապես առկա է և լուրջ: Մենք նախկինի պես մնում ենք խաղաղ երկխոսության կողմնակից»,-հավելել է Սերբիայի ղեկավարը: