Մրայա Քերին կողոպուտից հետո 6,5 միլիոն դոլարով վաճառում է իր առանձնատունը
ԼուսանկարներԱմերիկացի երգչուհի Մրայա Քերին Ատլանտայում իր տունը վաճառում է 6,5 միլիոն դոլարով, հայտնում է People-ը։
Այն բանից հետո, երբ 2022 թվականի հուլիսին կողոպտիչը ներխուժեց Մրայա Քերիի տուն, երգչուհին որոշեց վաճառել այն 6,5 միլիոն դոլարով: 1951 թվականին կառուցված առանձնատունը գտնվում է բլրի գագաթին և զբաղեցնում է 4,2 ակր հողատարածք: Հայտնի է, որ երգչուհու տունն ունի ինը ննջասենյակ, տասներեք լոգարան, կինոթատրոն և ձայնագրման ստուդիա, իսկ տարածքում կա այգի, ջեռուցվող լողավազան, թենիսի կորտ և խաղահրապարակ։ Հաղորդվում է նաև, որ Քերին առանձնատունը գնել է 2021 թվականի նոյեմբերին՝ 5,65 միլիոն դոլարով։
2022 թվականի հուլիսին, երբ Մրայա Քերին հանգստանում էր Կապրիում ընկերոջ՝ Բրայան Տանակայի և 11-ամյա երկվորյակներ Մոնրոյի և Մարոկկանի հետ, Ատլանտայի նրա տունը թալանվեց։ Ոստիկանության հաղորդագրության համաձայն՝ կողոպտիչը առանձնատուն է մտել հետևի դռնով, իսկ թե կոնկրետ ինչ է գողացել, դեռևս հայտնի չէ։