Ի՞նչ են նախորդ գիշեր քննարկել Փաշինյանը և Պուտինը. Կրեմլում փակագծեր են բացել
Քաղաքական
Ռուսաստանի նախագահ Վլադիմիր Պուտինը գիշերը հեռախոսազրույց է ունեցել Հայաստանի վարչապետ Նիկոլ Փաշինյանի հետ, քննարկվել է հայ-ադրբեջանական սահմանին իրավիճակի սրացումը:
Այդ մասին ասել է ՌԴ նախագահի մամուլի քարտուղար Դմիտրի Պեսկովը:
«Այսօր գիշերը հեռախոսազրույց է տեղի ունեցել Հայաստանի վարչապետ Փաշինյանի հետ, քննարկվել է հայ-ադրբեջանական սահմանին տիրող իրավիճակը, լուրջ էսկալացիա, որը տեղի է ունեցել այնտեղ»,- ասել է Կրեմլի խոսնակը:
Նրա խոսքով, ներկայում ինտենսիվ աշխատանքներ են ընթանում մասնագետների մակարդակով:
«Ավելին չեմ կարող ասել, քանի դեռ չենք ստացել այդ ուղղությամբ իրականացվող աշխատանքի արդյունքները, լրացուցիչ կտեղեկացնենք ձեզ»,- հավելել է նա:
«Դժվար է գերագնահատել անձամբ Ռուսաստանի Դաշնության և Պուտինի դերը: Բնականաբար, նախագահը ամեն ջանք գործադրում է, որպեսզի օգնի թուլացնել սահմանին լարվածությունը: Այս ջանքերը շարունակվում են»։
Միաժամանակ, Պեսկովը չի հայտնել Մոսկվայի ծրագրերը՝ կապված Երևանի՝ ՀԱՊԿ-ին դիմելու հետ.
«Աշխատանքներ են ընթանում, տարբեր քննարկումներ, ես չեմ ցանկանա ինչ-որ բան հայտարարել, քանի դեռ չի ավարտվել համաձայնության գործընթացը»,- ասել է ՌԴ նախագահի մամուլի քարտուղարը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
