Ուկրաինայի որոշ պաշտոնյաներ ցանկանում են Վրաստանին ներքաշել պատերազմի մեջ. Կոբախիձե

Ցավոք, Ուկրաինայի կառավարության մի շարք բարձրաստիճան պաշտոնյաներ խնդրում են երկրորդ ճակատ բացել Վրաստանում, ինչպես նաև ակնկալում են Թբիլիսիի մասնակցությունը Ուկրաինայում ընթացող ռազմական հակամարտությանը:

Այս մասին նշել է «Վրացական երազանք» իշխող կուսակցության նախագահ Իրակլի Կոբախիձեն:

Նա ընդգծեց, որ Վրաստանում Ռուսաստանի դեմ երկրորդ ճակատ բացելու հարցով որոշում պետք է կայացնի ժողովուրդը.

«Եթե մարդիկ ուզում են երկրորդ ճակատ բացել Վրաստանում, մենք կարող ենք քննարկել դա, բայց եթե չեն ուզում, ուրեմն մենք պետք է կառչած մնանք այդ որոշմանը»: