ՀԱՊԿ առցանց գագաթնաժողովը մեկնարկեց. մասնակցում է նաև Վլադիմիր Պուտինը

Մեկնարկել է ՀԱՊԿ առցանց գագաթնաժողովը, որը գումարվել է հայ-ադրբեջանական սահմանային գոտում իրավիճակի սրմամբ պայմանավորված: ՀԱՊԿ առցանց գագաթնաժողովին մասնակցում է նաև ՌԴ նախագահ Վլադիմիր Պուտինը։ Այդ մասին հայտնել է նախագահի մամուլի քարտուղար Դմիտրի Պեսկովը։

Սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաեւ ԱԹՍ-ներ: ՀՀ զինված ուժերը համարժեք պատասխան են տալիս: Իրադրությունը հայ-ադրբեջանական սահմանին ժամը 08.00-ի դրությամբ էական փոփոխություններ չի կրել: Սահմանի որոշ հատվածներում դիրքային մարտերը նույնպես շարունակվում են: Հակառակորդը չի դադարեցնում առաջխաղացման փորձերը: Հայկական կողմը հայտնել է այս պահի դրությամբ 49 զոհի մասին, կան վիրավորներ:

Հայկական կողմը դիմել է ՀԱՊԿ-ին: