Հայաստանի դեսպանը Վրաստանի խորհրդարանի նախագահի հետ քննարկել է հայ-ադրբեջանական սահմանին էսկալացիան

Հայաստանի արտակարգ եւ լիազոր դեսպան Աշոտ Սմբատյանը պաշտոնը ստանձնելուց հետո առաջին հանդիպումն է ունեցել Վրաստանի խորհրդարանի նախագահ Շալվա Պապուաշվիլիի հետ, որի ընթացքում ներկայացրել է ինքնիշխան Հայաստանի դեմ ադրբեջանական զինուժի լայնածավալ ագրեսիայի ֆոնին ստեղծված իրավիճակը։ Այս մասին հայտնում է Վրաստանում ՀՀ դեսպանության մամուլի ծառայությունը։

Նշվում է, որ Պապուաշվիլին շնորհավորել է Սմբատյանին նշանակման կապակցությամբ եւ մաղթել արդյունավետ աշխատանք։

Կողմերը քննարկել են նաեւ համագործակցության զարգացմանը վերաբերող հարցեր, այդ թվում՝ երկու երկրների խորհրդարանների միջեւ։