ԱՄՆ բյուջեի դեֆիցիտը օգոստոսին կազմել է գրեթե 220 միլիարդ դոլար. Morningstar

ԱՄՆ բյուջեն օգոստոսին ունեցել է ուժեղ դեֆիցիտ և կազմել 219,596 մլրդ դոլար, հուլիսին այդ ցուցանիշը եղել է 211,052 մլրդ դոլարի մակարդակում, հայտնում է Morningstar պորտալը՝ հղում անելով ԱՄՆ ֆինանսների նախարարության տվյալներին։

ԱՄՆ-ի դաշնային բյուջեի դեֆիցիտը օգոստոսին աճել է մինչև 219,6 միլիարդ դոլար՝ նախորդ տարվա նույն ամսվա 170,6 միլիարդ դոլարից:

Սեպտեմբերի 30-ին ավարտվող ֆինանսական տարվա առաջին տասնմեկ ամիսներին դեֆիցիտը կտրուկ կրճատվել է մինչև 946 մլրդ դոլար՝ նախորդ տարվա նույն ժամանակահատվածի 1,77 տրլն դոլարից: Ըստ Morningstar-ի` դա պայմանավորված է եղել կորոնավիրուսային համաճարակի դեմ պայքարի համար պետական ​​ծախսերի վերջին նվազմամբ:

«2022 ֆինանսական տարվա առաջին տասնմեկ ամիսներին, որն ավարտվում է սեպտեմբերի 30-ին, եկամուտներն աճել են 23%-ով, իսկ ծախսերը՝ 15%-ով: Օգոստոսին մուտքերն աճել են 13%-ով, իսկ ծախսերը նվազել են 19%-ով»,-ասվում է հրապարակման մեջ։