Տաջիկստանը ևս արձագանքել է հայ-ադրբեջանական սահմանին շարունակվող բախումներին

Տաջիկստանի վարչապետ Կոխիր Ռասուլզոդան կոչ է արել հայ-ադրբեջանական սահմանին տիրող լարված իրավիճակը կարգավորել դիվանագիտական ճանապարհով:

Այս մասին նա ասել է ՀԱՊԿ հավաքական անվտանգության խորհրդի արտահերթ նիստում, հայտնում է «Խովար» ազգային լրատվական գործակալությունը:

Ռասուլզոդան Հայաստանի և Ադրբեջանի միջև լարվածության առնչությամբ հայտնել է տաջիկական կողմի մտահոգությունը, ընդգծելով հետագա սրացում թույլ չտալու կարևորությունը, ինչպես նաև խնդրի՝ դիվանագիտական ու քաղաքական ճանապարհով շուտափույթ կարգավորման անհրաժեշտությունը: