ԱՄՆ-ում խոսում են «երկրի մռայլ ապագայի մասին»

Ամերիկացիների մեծամասնության համար տնտեսական հեռանկարը մռայլ է, և գալիք ընտրությունները միայն կվատացնեն իրավիճակը, գրում է քաղաքագետ Հարլան Ուլմանը The Hill-ի հոդվածներից մեկում:

«Գնաճը մոտ է երկնիշ դառնալուն, բենզինը թեև ավելի էժան է, բայց դեռ շատ թանկ է»,- ասվում է հրապարակման մեջ։

Ուլմանը, վկայակոչելով The New York Times-ի տվյալները, հիշեցնում է, որ ամերիկացիների գրեթե երկու երրորդն ապրում է աշխատավարձից մինչև աշխատավարձ: «Ըստ որոշ գնահատականների՝ ամերիկացիների 41%-ը, իսկ դա կազմում է 135 միլիոն մարդ, համարվում է կամ աղքատ կամ ցածր եկամուտ ունեցող», - մեջբերում է հոդվածում քաղաքագետը։

«Ամերիկացիները,-շարունակում է Ուլմանը,-ինտուիտիվ կերպով հասկանում են, թե ուր է գնում երկիրը։ Որոշ հարցումների համաձայն՝ ընտրված կուրսին գրեթե 90%-ը հավանություն չի տալիս: Արդյունքում, ամերիկացիների ճնշող մեծամասնությունն իր համար ավելի լավ ապագա չի տեսնում»:

Առաջիկա ընտրությունները նույնպես իրավիճակը չեն փոխի. «Երկու կուսակցություններն էլ ղեկավարվում են մարգինալների կողմից: Լինքոլնի, Էյզենհաուերի և Ռեյգանի կուսակցությունը վերածվել է Թրամփի պաշտամունքի: Ռուզվելտի, Քենեդիի և Ջոնսոնի հին դեմոկրատական ​​կուսակցությունը խեղաթյուրվել է կատաղած առաջադեմության պատճառով: Այլ կուսակցություններ չկան: Նախագահի աթոռի համար կպայքարեն երկու տարեցներ»,- նշում է հեղինակը։