ՔՊ-ականները դասեր չեն քաղել 44-օրյա պատերազմի ժամանակ թույլ տված սխալներից

Թվում էր, թե 44 օրյա պատերազմի օրերին թույլ տված սխալները և դատապարտելի աշխատելաոճը պետք է որ դաս լինեին որոշ իշխանական պաշտոնյաների համար, սակայն այն, ինչին ականատես ենք լինում վերջին երկու օրերի ընթացքում, կասկած են հարուցում առ այն, որ ՔՊ-ականները ունակ են ընդհանրապես դասեր քաղել սեփական վրիպումներից:

Թե՛ պատերազմի օրերին, թե՛ դրանից հետո պետական գաղտնիք բացահայտելու գործում առաջամարտիկ էին հենց ինքը` Նիկոլ Փաշինյանը, և իր թիմակիցները; Նիկոլ Փաշինյանը ուղիղ եթերով հայտնում էր մոբռեսուրսի թիվը, տեղեկացնում էր որ կենտրոնական հավաքակայան ներկայացողները պետք է իրենց հետ ունենան զրահաբաճկոններ` դրանով իսկ մատնելով, որ զինված ուժերում առկա է նման խնդիր: Նիկոլ Փաշինյանը պատերազմից հետո գրեթե բառացի մեջբերում էր ԱԽ նիստի արձանագրությունը, որը պետական գաղտնիք է՝ Օնիկ Գասպարյանի դեմ քաղաքական դիվիդենտներ շահելու նպատակով: Սկզբում հայտարարվում էր, որ «Իսկանդերի» կիրառման հանգամանքը պետական գաղտնիք է, սակայն պատերազմից հետո Փաշինյանը բացահայտեց նաև այդ գաղտնիքը: Պատերազմի օրերին Փաշինյանը և «Իմ քայլը» խմբակցության անդամներն իրենց էջերում տարածում էին հայկական զինված ուժերի տեղորոշումը բացահայտող տեսանյութեր, այնուհետև ջնջում դրանք:

ՔՊ-ական պատգամավոր Արթուր Հովհաննիսյանը հոխորտալից գրառում էր կատարել` պնդելով, որ լրատվամիջոցները սուտ լուրեր են տարածում, այնինչ ժամեր անց պարզվեց, որ կեղծ էր հենց Հովհաննիսյանի տարածած տեղեկությունը:

ՔՊ-ական պատգամավոր Լենա Նազարյանը տարածում է տեսանյութեր, որտեղ անհայտ անձինք վերջին հայհոյանքներով են խոսում հող հանձնելու դեմ հանդես եկող քաղաքացիների մասին ու սպառնում են գալ սպանել բոլորին։

'

Մինչ Հայաստանի բանակը 2020-ին կանխում էր Ադրբեջանի սադրիչ ռազմական գործողությունները, վարչապետ Փաշինյանի թիմակիցները ադրբեջանական քարոզչական թեզեր են առաջ տանում։ Իշխանափոխության գործընթացին մասնակցած Բաբկեն Գրիգորյանը տարածել է լուսանկար և կից գրառմամբ տեղեկացնում է, որ լուսանակրում երեկ տեղի ունեցած ռազմական միջադեպի արդյունքում սպանված ադրբեջանցի զինվորական Էլշադ Մամեդովի 7 ամսական երեխան է։ Փաշինյանի մտերիմ ակտիվիստը գրել է, որ «սա է պատերազմի դեմքը և ոչ թե այն պաթոսախառը աղբը, որը դուք տարածում եք երեկ գիշերվանից»։ Ընդ որում, հասկանալի է, որ ադրբեջանական ալիքը որևէ կերպ նույնականացված աղբյուր, այն էլ հավաստի աղբյուր լինել չէր կարող:

Երեկ ելույթ ունենալով ԱԺ ամբիոնից` վարչապետ Նիկոլ Փաշինյանը կրկին կամա թե ակամա հայտնեց տեղեկություններ ՀՀ զինված ուժերի կոմպլեկտավորման հետ առկա խնդիրների վերաբերյալ, ինչը ոչ այլ ինչ է, քան պետական գաղտնիքի մատնում:

ՔՊ-ական պատգամավոր Վահագն Ալեքսանյանը անգամ պատերազմի օրերին զբաղված  է մեդիա մանիպուլյացիաներով

Դասեր քաղե՞լ են ՔՊ-ական պաշտոնյաները, ինչպես երևում է՝ ոչ, սակայն այդ հանգամանքը այնքան էլ չի հուզում պատկան մարմիններին, որոնց բուն խնդիրը նմանատիպ երևույթները կանխելն ու պատժելն է...