Ադրբեջանը պետք է անհապաղ դադարեցնի հարձակումները Հայաստանի տարածքի վրա․ Freedom House

Ադրբեջանը պետք է անհապաղ դադարեցնի հարձակումները Հայաստանի տարածքի վրա։ Այս մասին հայտարարել է Freedom House-ի նախագահ Մայքլ Ջ.Աբրամովիցը։

«Ադրբեջանի զինված ուժերը պետք է անհապաղ դադարեցնեն իրենց մահաբեր հարձակումները Հայաստանի տարածքի վրա եւ միանան շարունակվող խաղաղ գործընթացին՝ ԵՄ-ի, ԱՄՆ-ի եւ Ռուսաստանի աջակցությամբ։ Ադրբեջանի եւ Հայաստանի հարաբերությունները պետք է ընթանան դիվանագիտության եւ բանակցությունների, այլ ոչ թե հրետանային եւ անօդաչու սարքերի հարվածների միջոցով։

Հայաստանի եւ Ադրբեջանի ժողովուրդներն արժանի են խաղաղության եւ անվտանգության։

Ինքնիշխան պետությունների վրա ռազմական հարձակումները տեղ չունեն կանոնների վրա հիմնված միջազգային կարգում, ուստի մենք կոչ ենք անում ԱՄՆ կառավարությանը, այլ ժողովրդավարական պետություններին եւ միջազգային կազմակերպություններին անհապաղ հրադադարի կոչ անել:

Մենք ողջունում ենք ՄԱԿ-ի Անվտանգության խորհրդում քննարկումներ անցկացնելու Ֆրանսիայի նախագահ Էմանուել Մակրոնի հանձնառությունը եւ կոչ ենք անում ժողովրդավարական կառավարություններին լրացուցիչ քայլեր դիտարկել Հայաստանի տարածքային ամբողջականությունը պաշտպանելու համար»,- ասված է հայտարարության մեջ։