Թրամփը տուգանվել է մոտ 1 միլիոն դոլարով Հիլարի Քլինթոնի դեմ «անհեթեթ» հայցի համար

ԱՄՆ նախկին նախագահ Դոնալդ Թրամփը տուգանվել է մոտ 1 մլն դոլարով՝ նախկին պետքարտուղար և նախագահի թեկնածու Հիլարի Քլինթոնի դեմ «անլուրջ» դատական ​​հայցի համար, հայտնում է CNBC-ն։

«Մենք բախվում ենք մի հայցի, որը երբեք չպետք է ներկայացվեր, որը բոլորովին անլուրջ է իրականում իրավական առումով, և որը ներկայացվել էր անբարեխիղճ և ոչ պատշաճ նպատակով», - ասել է դատավոր Ջոն Միդլբրուկսը Ֆլորիդայի ԱՄՆ շրջանային դատարանում:

Թրամփը դատական ​​հայց է ներկայացրել Քլինթոնի և նրա նախընտրական արշավից 30 այլ մեղադրյալների դեմ։ Թրամփն իր հայտարարության մեջ պնդել է, որ իր նախընտրական մրցակիցը պատրաստվում է «կեղծ պատմություն հյուսել»՝ քվեներ շահելու համար:

Հայցադիմումում Թրամփը պահանջել է 70 միլիոն դոլար փոխհատուցում, սակայն դատարանը որոշել է, որ նախկին նախագահը պետք է վճարի 938 հազար դոլար՝ ամբաստանյալների վճարներն ու ծախսերը հոգալու համար։