Աշխարհի ամենատիտղոսակիր ֆուտբոլիստի դեմ գործով նոր մանրամասներ են հայտնի դարձել

Վկան ցուցմունք է տվել բռնաբարության մեջ մեղադրվող բրազիլացի ֆուտբոլիստ Դանի Ալվեսի դեմ, հայտնում է Marca-ն։

Աղբյուրի փոխանցմամբ՝ ենթադրյալ բռնաբարության զոհի հետ գիշերային ակումբում գտնվող երկու աղջիկներից մեկը պատմել է, որ զոհի հետ զուգարան գնալուց առաջ Ալվեսը իր նկատմամբ անընդունելի վարքագիծ է դրսևորել։ Վկան նշել է, որ ֆուտբոլիստը անհանգստացրել է իրեն և ձեռքը դրել ինտիմ մասերին։

Ալվեսը ձերբակալվել է հունվարի 20-ին։ Ֆուտբոլիստի ենթադրյալ զոհը հայտնել է, որ իրեն փակել է գիշերային ակումբի լոգարանում, որտեղ ծեծել և բռնաբարել է։ Նշվում է, որ բժիշկները հաստատել են, որ աղջիկը վնասվածքներ ունի։ 39-ամյա Ալվեսին սպառնում է 4-ից 12 տարվա ազատազրկում։

Ալվեսն աշխարհի ամենատիտղոսակիր ֆուտբոլիստն է։ Նա հաղթել է Ֆրանսիայի, Իտալիայի, Իսպանիայի առաջնություններում և նվաճել այս երկրների ազգային գավաթները։ Բրազիլիայի հավաքականի կազմում պաշտպանը երկու անգամ հաղթել է Ամերիկայի գավաթը և Կոնֆեդերացիաների գավաթը, ինչպես նաև հաղթել է Օլիմպիական խաղերում և աշխարհի երիտասարդական առաջնությունում։