Գեղարքունիքի մարզում դպրոցականների առարկայական օլիմպիադաների մարզային փուլին մասնակցում է 461 աշակերտ

Գեղարքունիքի մարզում մեկնարկել է 2022-2023 ուսումնական տարվա դպրոցականների առարկայական օլիմպիադաների մարզային փուլը:

Ինչպես տեղեկացրին Գեղարքունիքի մարզպետարանի ԿՄՍ վարչությունից, 15 առարկաներից մարզային փուլին մասնակցելու համար երաշխավորվել է 461 աշակերտ։ Բնագիտական առարկաներից ներդպրոցական փուլի արդյունքներով մարզային փուլին կմասնակցի 243 աշակերտ, այդ թվում՝ մաթեմատիկայից՝ 61, ֆիզիկայից՝ 1, քիմիայից՝ 54, ինֆորմատիկայից՝ 4, աստղագիտությունից՝ 1, աշխարհագրությունից՝ 96 եւ կենսաբանությունից՝ 26 աշակերտ։

Հումանիտար առարկաներից տարածքային փուլի արդյունքներով մարզային փուլին կմասնակցի 218 աշակերտ, այդ թվում՝ հայոց լեզվից՝ 33, ռուսաց լեզվից՝ 39, Հայոց եկեղեցու պատմությունից՝ 27, պատմությունից՝ 36, նախնական զինվորական պատրաստությունից՝ 32, Հայ գրականությունից՝ 17, անգլերենից՝ 23 եւ գերմաներենից՝ 11 աշակերտ:

ՀՀ դպրոցականների առարկայական օլիմպիադայի մարզային փուլը մեկնարկել է 2023 թվականի հունվարի 18-ից եւ կշարունակվի մինչեւ փետրվարի 9-ը։ Այն անցկացվում է Գավառ համայնքի Ս. Քոչարյանցի անվան թիվ 1 հիմնական դպրոցում։

Մարզային փուլում հաղթող ճանաչված դպրոցականները կմասնակցեն 2023 թվականի փետրվարի 17-ից մայիսի 15-ը Երեւան քաղաքում կայանալիք օլիմպիադայի հանրապետական փուլին։