Համագյուղացիների վեճն ավարտվել էր դանակահարությամբ
Հասարակություն
Հունվարի 24-ին, ժամը 10.50-ին, «Աշտարակ» բժշկական կենտրոնից ոստիկանության Աշտարակի բաժին հաղորդում էր ստացվել, որ կտրած-ծակած վերքերով ու քերծվածքներով բուժօգնության է տեղափոխվել 32-ամյա երիտասարդ: Նա հայտնել էր, որ վնասվածքներն ընկնելու հետևանք են, հայտնում են ոստիկանության լրատվական ծառայությունից։
Աշտարակի համայնքային ոստիկանները, օպերատիվ տեղեկություններն իրացնելով, պարզել են, որ ժամը 10.00-ի սահմաններում Բազմաղբյուր գյուղի դաշտամիջյան հատվածում տեղի ունեցած վիճաբանության ժամանակ հիվանդանոց տեղափոխված երիտասարդին դանակահարել էր 23-ամյա համագյուղացին: Նա Բազմաղբյուր գյուղում հայտնաբերվել, ձերբակալվել և տեղափոխվել է Աշտարակի բաժին, որտեղ անձնական խուզարկությամբ նրա մոտ հայտնաբերվել է արնանման հետքերով ծալովի դանակ: Երիտասարդը խոստովանել է, որ ինքն է դանակահարել 32-ամյա համագյուղացուն:
Բազմաղբյուրցի 23-ամյա երիտասարդը և կազմված փաստաթղթերը ներկայացվել են Արագածոտնի մարզային քննչական վարչություն:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
