Չինաստանի ԱԳՆ-ն մեկնաբանել է ԱՄՆ-ի երկնքում «չինական լրտեսական օդապարիկի» առկայությունը
Աշխարհ
Պեկինը կոչ է արել չուռճացնել աղմուկը ԱՄՆ տարածքի վրայով իբր «չինական հետախուզական օդապարիկի» թռիչքի պատճառով։ Չինաստանի ԱԳՆ պաշտոնական ներկայացուցիչ Մաո Նինգն առաջարկել է սպասել միջադեպի բոլոր փաստերի պարզաբանմանը, փոխանցում է ՌԻԱ Նովոստին։
«Ուզում եմ շեշտել, որ շահարկումներն ու շփոթությունները, քանի դեռ փաստերը հայտնի չեն դարձել, կարգավորման ճիշտ ճանապարհ չէ», - ասել է նա:
Ամերիկացի զինվորականները վերջին մի քանի օրվա ընթացքում հետևել են հետախուզական օդապարիկին երկրի հյուսիսային մասում: Օդապարիկը Ալեուտյան կղզիներից թռել է Կանադայի տարածքով և հասել Մոնտանա նահանգ։ ԱՄՆ զինվորականները չեն կասկածում, որ այն պատկանում է Չինաստանին։
Պենտագոնը վտանգավոր է համարում ԱՄՆ-ի երկնքում «չինական» հետախուզական օդապարիկը։
WSJ հրատարակությունը գրել է, որ ԱՄՆ-ի վրայով թռչող «չինական հետախուզական օդապարիկի» առկայության ֆոնին պետքարտուղար Էնթոնի Բլինկենի պլանավորված այցը Պեկին կարող է չեղարկվել։
Դաշնային խորհրդի տեղեկատվական քաղաքականության և ԶԼՄ-ների հետ փոխգործակցության հանձնաժողովի նախագահ Ալեքսեյ Պուշկովը վստահ է, որ ԱՄՆ-ի տարածքով հետախուզական օդապարիկի թռիչքը վկայում է երկրի օդային տարածքի բարձր խոցելիության մասին։
Ամենադիտված 
Մնաս բարյավ. Րաֆֆի Հովհաննիսյան
