Դաղստանում զբոսաշրջիկներ տեղափոխող ավտոբուս է այրվել

Դաղստանի Խունզախի շրջանում այրվել է զբոսաշրջիկների ավտոբուսը, որը պատրաստվում էր այցելել սառած Մոչոխ լիճը։ Այս մասին հայտնում է Mash Gor Telegram ալիքը։

Ըստ հաղորդագրության՝ ճանապարհին ավտոմեքենան շարժիչի անսարքություն է ունեցել, հետո միկրոավտոբուսը բռնկվել է։ Վարորդին և ուղևորներին, այդ թվում՝ երեխաներին, հաջողվել է լքել խցիկը։ Սակայն հրդեհի հետևանքով երթուղայինն ամբողջությամբ այրվել է։ Զբոսաշրջիկների համար ուղարկվել է ևս մեկ ավտոբուս, սակայն նրանք որոշել են չեղարկել ուղևորությունը դեպի լիճ և վերադարձել են տուն։