Հունգարիան Եվրախորհրդարանին մեղադրել է ուկրաինական հակամարտության սրման մեջ

Ուկրաինական հակամարտության սրման մեղավորը Եվրախորհրդարանն է, հայտարարել է Հունգարիայի վարչապետի աշխատակազմի պետքարտուղար Չաբա Դեմետրը։ Նրա խոսքերը մեջբերում է ՌԻԱ Նովոստին։

Եվրոպացի պահպանողականների և ռեֆորմիստների խմբակցության պատգամավորներին հաջողվել է բանաձեւի վերջնական տարբերակում փոփոխություն մտցնել, ըստ որի՝ Ուկրաինային տրվելիք հաջորդ աջակցությունում պետք է դիտարկել արևմտյան կործանիչների և հեռահար հրթիռային համակարգերի մատակարարման հարցը։

«Սա ամեն ինչ է, քան խաղաղության կոչ: Շատ ավելի հավանական է, որ սա մեծ քայլ է դեպի ռազմական էսկալացիա»,- ասել է քաղաքական գործիչը։

Բացի այդ, Եվրախորհրդարանի պատգամավորները ձայների մեծամասնությամբ ընդունել են «Եվրամիություն-Ուկրաինա գագաթնաժողովի նախապատրաստման մասին» բանաձեւը, որում կոչ են արել Եվրամիության (ԵՄ) կառույցներին անհապաղ ընդունել հակառուսական պատժամիջոցներ։ Բացի այդ, նրանք հայտարարել են Ռուսաստանից ԵՄ հանածո վառելիքի ներմուծման անհապաղ և ամբողջական էմբարգոյի անհրաժեշտության մասին։

Նրա խոսքով՝ ԵՄ-ն ցանկանում է ամբողջությամբ արգելել ռուսական միջուկային վառելիքի ներկրումը։ Սրանով Եվրախորհրդարանը աջակցում է ոչ միայն հետագա պատժամիջոցներին, այլեւ գնաճին։ Քաղաքական գործչի կարծիքով՝ ռեկորդային գնաճի հիմնական պատճառը էներգակիրների գների բարձրացումն է, եւ դա տեղի է ունեցել պատժամիջոցների պատճառով։

«Ամբողջական էմբարգոյի հայտարարումը երաշխավորում է գների հետագա բարձրացում։ Կարծում եմ, որ սա շատ սխալ ճանապարհ է»,- ասել է Դեմետրը: