Կադիրովը հայտարարել է Լեհաստանը «դենացիֆիկացնելու» մտադրության մասին
Աշխարհ
Չեչնիայի Հանրապետության ղեկավար Ռամզան Կադիրովը Telegram-ի իր ալիքում հայտարարել է Լեհաստանը «դենացիֆիկացնելու» և «ապառազմականացնելու» մտադրության մասին։
Նա ուշադրություն է հրավիրել Լեհաստանի նախագահի աշխատակազմի միջազգային քաղաքականության բյուրոյի ղեկավար Մարչին Պշիդաչի հայտարարության վրա, թե Վարշավան ԱՄՆ նախագահ Ջո Բայդենի այցից հետո սպառազինության մեծ մատակարարումներ է ակնկալում։ Չեչնիայի ղեկավարի խոսքով՝ այժմ այս երկիրը «զենք է մուրալու» ԱՄՆ-ից։
«Ուկրաինային աջակցելու շրջանակում Վարշավային հաջողվեց սպառել սեփական ռազմական ռեսուրսները, և այժմ շփոթված է. ի՞նչ կլինի, եթե հատուկ ռազմական գործողության հաջող ավարտից հետո Ռուսաստանն սկսի ապառազմականացնել և դենացիֆիկացնել հաջորդ երկիրը։ <...> Չեմ թաքցնի, ես անձամբ նման մտադրություն ունեմ»,- գրել է տարածաշրջանի ղեկավարը Telegram-ում։
«Հուլիսին կկայանա Սիլեզիայի ինքնավարության ամենամյա երթը, որն ամեն անգամ ավելի ու ավելի շատ մասնակիցների է գրավում», - նշել է նա:
Չեչնիայի ղեկավարի խոսքով՝ լեհական այս տարածաշրջանը «արժանի է հատուկ անկախ կարգավիճակ ունենալ»։
«Անհրաժեշտ է հանրաքվե, որի անցկացման ընթացքում Ռուսաստանը կարող է կազմակերպչական աջակցություն ցուցաբերել»,- ասել է նա։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
