ՌԴ Տուլայի շրջանում հինգհարկանի շենքում գազի պայթյուն է տեղի ունեցել․ կան զոհեր (տեսանյութ)

Եֆրեմով քաղաքի (ՌԴ Տուլայի շրջան) հինգհարկանի շենքում գազի պայթյունի վայրում հինգ մարդու դի է հայտնաբերվել, «Ինտերֆաքս»-ին հայտնել են ՌԴ ԱԻՆ-ից։

Փրկարարները փրկվածներին դուրս են բերել հինգ հարկանի շենքի փլատակների տակից, հայտնել են նաև արտակարգ իրավիճակների ծառայություններից։

Հետևանքների վերացման համար ներգրավվել են արտակարգ իրավիճակների արձագանքման ծառայություններ և հատուկ տեխնիկա։ Շենքի բնակիչները տարհանվել են, կազմակերպվել է ժամանակավոր կացարան։