ԵՄ-ն 6.5 մլն եվրոյի օգնություն կտրամադրի Թուրքիային ու Սիրիային

Թուրքիայում և Սիրիայում ավերիչ երկրաշարժից հետո Եվրամիությունը մտադիր է 6,5 մլն եվրո օգնություն տրամադրել, ասվում է Եվրահանձնաժողովի (ԵՀ) հաղորդագրության մեջ։

«Այս շաբաթվա սկզբին Թուրքիայում և Սիրիայում տեղի ունեցած մի քանի երկրաշարժերից հետո Եվրամիությունը երկու երկրներին լրացուցիչ շտապ օգնություն կտրամադրի ԵՄ Քաղաքացիական պաշտպանության մեխանիզմի միջոցով, ինչպես նաև շտապ մարդասիրական օգնություն՝ 6,5 միլիոն եվրոյի չափով»,- ասվում է հայտարարության մեջ։

Համաձայն հաղորդագրության, Սիրիային տրամադրված «նախնական» 3,5 միլիոն եվրոն մարդկանց կօգնի ապաստարաններ, ջուր, սնունդ, հիգիենայի միջոցներ ձեռք բերել, ինչպես նաև թույլ կտա իրականացնել որոնողափրկարարական գործողություններ:

Թուրքիայի համար նախնական 3 միլիոն եվրոն կտրամադրվի «երկրում երկրաշարժի հետևանքներին արձագանքելու ջանքերին աջակցելու համար»: