Շվեդիայի ոստիկանությունն արգելել է Ղուրան այրել Թուրքիայի դեսպանատան մոտ

Ստոկհոլմի ոստիկանությունն արգելել է Թուրքիայի դեսպանատան մոտ Ղուրանի այրմամբ նորից հանրահավաք անցկացնել, հայտնում է SVT Nyheter-ը։

Ոստիկանությունը բացատրել է, որ որոշումը կայացվել է այն պատճառով, որ ակցիան կարող է լուրջ վտանգ ներկայացնել ազգային անվտանգությանը։ Ստոկհոլմի ոստիկանության ներկայացուցիչ Օլա Էսթերլինգը հեռուստաալիքին պարզաբանել է, որ հանրահավաքի համար դիմած անձը ծրագրել էր այն անցկացնել փետրվարի 9-ի կեսօրին։

Ոստիկանությունը պարզաբանել է, որ իրենց թույլտվություն ստանալու համար դիմել է մի անձ, որը հանդես է եկել «մշակութային միության» անունից։