Հայտնի է՝ որքան գումար է Բեռլուսկոնին կտակել կնոջը

Իտալիայի նախկին վարչապետ Սիլվիո Բեռլուսկոնին 100 միլիոն եվրո է կտակել իր վերջին կնոջը՝ 33-ամյա Մարտա Ֆաշինային, ում հետ նա «խորհրդանշական հարսանիք» է անցկացրել 2022 թվականին։ Այս մասին հայտնում է Ansa գործակալությունը։

Բեռլուսկոնին որոշել է նույնքան գումար փոխանցել իր կրտսեր եղբորը՝ Պաոլոյին։ 30 միլիոն եվրո բաժին է հասել ընկերոջը՝ գործարար Մարչելլո Դել Ուտրիին։

Fininvest-ում քաղաքական գործչի բաժնեմասի վերաբերյալ իտալական լրատվամիջոցների կանխատեսումը սխալ է ստացվել։ ԶԼՄ-ները կարծում էին, որ նրա հինգ երեխաներն էլ կիսելու են բաժնետոմսերը, բայց իրականում միայն երկուսն են ստացել դրանց 53%-ը։ Նրանք Կառլա Էլվիրա Լյուսիա Դալ Օգլիոյի հետ նրա առաջին ամուսնությունից ավագ երեխաներն էին։

Հիշեցնենք, որ Իտալիայի նախկին վարչապետը մահացել է հունիսի 12-ին՝ 86 տարեկան հասակում, լեյկոզից։ Forbes ամսագրի տվյալներով՝ մահվան պահին նրա կարողությունը կազմում էր 7,1 միլիարդ դոլար։