Ֆրանսիայի ԶՈւ ԳՇ պետը հայտարարել է, որ անհրաժեշտ է պատրաստվել «բարձր ինտենսիվության պատերազմի»

Ֆրանսիայի Զինված ուժերը, ընդունելով ռազմական պլանավորման նոր օրենքը, որը նախատեսում է 6 տարվա ընթացքում 413 միլիարդ եվրոյի հատկացում, հասակացան բարձր ինտենսիվության հակամարտությանը նախապատրաստվելու կարևորությունը: France Inter ռադիոկայանի եթերում նման կարծիք է հայտնել Ֆրանսիայի զինված ուժերի գլխավոր շտաբի պետ Թիերի Բուրխարդը։

Նա նշել է, որ ընդունելով ռազմական պլանավորման մասին օրենքը, որն անձամբ ստորագրել է Ֆրանսիայի նախագահ Մակրոնը, երկիրը սկսել է գիտակցել, որ աշխարհն ամեն օր փոխվում է, անհրաժեշտ է պատրաստվել «բարձր ինտենսիվության պատերազմի»։

Բացի այդ, Բուրխարդն ընդգծել է, որ եթե ցանկացած պահի անհրաժեշտ լինի մարտի մեջ մտնել, Ֆրանսիայի զինված ուժերը պատրաստ են դրան։