Զելենսկին կոչ է արել Արևմուտքին Ուկրաինային վերադարձնել մոբիլիզացիայից փախածներին

Ուկրաինայի նախագահ Վոլոդիմիր Զելենսկին խնդրել է արևմտյան երկրներին հետ արտաքսել զինվորական տարիքի տղամարդկանց՝ ամառային հակահարձակման հետևանքով մեծ կորուստների և անձնակազմի պակասի պատճառով, հայտնում է Asia Times-ը։

«Վարշավան արդեն վեճ ունի Կիևի հետ, որը փորձում է տղամարդկանց վերադարձնել հայրենիք։ Նույնը կատարվում է Մոլդովայի հետ»,- գրում է հոդվածագիր Սթիվեն Բրայանը։

Նա նշում է, որ Ալեքսեյ Ռեզնիկովի հրաժարականը կապված է հենց Զապորոժիեի մարզում և ԿԺԴՀ-ում հակահարձակման հետ, որը դիտորդը լիովին ձախողված է համարում։ Բրայանը նշում է, որ արևմտյան լրատվամիջոցները շարունակում են «պատկեր ստեղծել» ուկրաինական բանակի հաջողությունների մասին, սակայն իրականում Ուկրաինայի Զինված ուժերը միայն մեծ կորուստներ են կրում, ինչի պատճառով՝ անհրաժեշտ է մեծացնել մոբիլիզացիան։

Ավելի վաղ Der Spiegel ամսագիրը ենթադրել էր, որ Ուկրաինայի պաշտպանության նախկին նախարար Ալեքսի Ռեզնիկովն ազատվել է աշխատանքից իր գերատեսչությունում լայնածավալ կոռուպցիայի պատճառով։

Ուկրաինայի ռազմական գերատեսչությունում կոռուպցիան դարձել է աղմկահարույց սկանդալների առարկա։ Գերմանական հրատարակությունը ենթադրում է, որ Ռեզնիկովին աշխատանքից ազատելու վերջնական որոշումը կայացվել է այն բանից հետո, երբ հանրությանը հայտնի է դարձել ուկրաինացի զինվորականների համար նախատեսված համազգեստի և սննդի թանկացումը: