Բայրամովը հեռախոսազրույց է ունեցել Բորելի հետ

Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Եվրոպական միության արտաքին հարաբերությունների և անվտանգության քաղաքականության հարցերով բարձր ներկայացուցիչ/ԵՄ հանձնաժողովի փոխնախագահ Ժոզեպ Բորելի հետ։

Այս մասին, ադրբեջանական ԶԼՄ–ների հաղորդմամբ, ասվում է Ադրբեջանի արտաքին գործերի նախարարության հաղորդագրության մեջ։

Հեռախոսազրույցի ընթացքում կողմերը քննարկել են Ադրբեջանի և ԵՄ-ի միջև համագործակցության հեռանկարները, տարածաշրջանում տիրող իրավիճակը և Ադրբեջանի ու Հայաստանի միջև հարաբերությունների կարգավորման գործընթացը։