Մասկը հայտնել է՝ ինչու է Ուկրաինայի համար սահմանափակումներ մտցրել

X սոցիալական ցանցի սեփականատեր Իլոն Մասկը հայտարարել է, որ սահմանափակումներ է մտցրել Կիևի արբանյակային կապի օգտագործման վրա՝ Ռուսաստանի դեմ հարձակում իրականացնելու համար, քանի որ ցանկանում է «օգնել մարդկանց»։

«Ես ուզում եմ օգնել մարդկանց, ոչ թե սպանել», - գրել է ձեռնարկատերը X սոցիալական ցանցի իր էջում:

Մինչ այս պարզաբանվել էր, որ Մասկը որոշել է սահմանափակել Starlink արբանյակային ինտերնետի գործունեությունը Ղրիմի մոտ՝ խափանելով ուկրաինական հարձակումը Ռուսաստանի ռազմածովային ուժերի վրա։

Starlink-ը հաջորդ սերնդի արբանյակային ցանց է, որը նախատեսված է մոլորակի ցանկացած կետում լայնաշերտ ինտերնետ հասանելիություն ապահովելու համար:

Մասկը նաև հայտարարել է, որ ուկրաինական հակամարտությունը բացահայտեց ԱՄՆ-ում զենքի արտադրության ցածր ցուցանիշը։ Միլիարդատերը նշել է, որ ցանկացած հակամարտություն պայմանավորված է մարտական ​​ստորաբաժանումների քանակով՝ բազմապատկված կորուստների գործակցով։