Թուրքիայում բեռնատարը մխրճվել է աղոթողների բազմության մեջ. կան զոհեր (տեսանյութ)

Թուրքիայի հարավ-արևելքում՝ Քահրամանմարաշ նահանգում, մահվան ելքով վթար է տեղի ունեցել բեռնատարի մասնակցությամբ, ինչի հետևանքով 5 մարդ զոհվել է, ևս 25-ը վիրավորվել։ Այս մասին հաղորդում է տեղական NTV հեռուստաալիքը։

Նշվում է, որ բեռնատարը նախ բախվել է դիմացի մեքենաներին, իսկ հետո մխրճվել թաղման աղոթքներին մասնակցող ամբոխի մեջ։ Դեպքի վայրում այս պահին աշխատում են շտապօգնության ծառայությունները, վթարի մեղավորը բերման է ենթարկվել։