Կրիվոյ Ռոգում պայթյուններ են որոտացել. երեք մարզում օդային տագնապ է

Ուկրաինայի Դնեպրոպետրովսկի շրջանի Կրիվոյ Ռոգում պայթյուններ են հնչել, երկուշաբթի՝ սեպտեմբերի 11-ին, հայտնում է ուկրաինական Klimenko.Time հրատարակությունը։

Հրատարակության տվյալներով՝ այսօր առավոտյան քաղաքում երկրորդ անգամ պայթյուններ են տեղի ունեցել։

«Նոր պայթյուններ են գրանցվել Կրիվոյ Ռոգում»,- ասվում է հաղորդագրության մեջ։

Այս տեղեկությունը Telegram-ի ալիքում հաստատել է քաղաքապետ Ալեքսանդր Վիլկուլը։

Այս պահին Ուկրաինայի Խերսոնի, Նիկոլաևի և Դնեպրոպետրովսկի մարզերում հայտարարված է օդային ռմբակոծման վտանգի մասին։

Ռուսաստանի պաշտպանության նախարարությունը չի մեկնաբանել իրավիճակը։

Սեպտեմբերի 10-ի գիշերը պայթյուններ են տեղի ունեցել Ուկրաինայի Սումիի և Չեռնիգովի մարզերում։ Մանրամասներ չեն հաղորդվում։

Մինչ այս՝ սեպտեմբերի 8-ին, պայթյուն էր գրանցվել նաև Ուկրաինայի Դնեպրոպետրովսկի մարզի Կրիվոյ Ռոգ քաղաքում։ Վիլկուլը տեղի բնակիչներին հորդորել է միջադեպի կադրերը չհրապարակել սոցիալական ցանցերում։

Ռուսական ուժերը սկսել են հարվածներ հասցնել Ուկրաինայի կարևորագույն ենթակառուցվածքներին անցյալ տարվա հոկտեմբերի 10-ին: Ինչպես այն ժամանակ նշել էր ՌԴ նախագահ Վլադիմիր Պուտինը, սա պատասխան է Կիևի կողմից Ղրիմի կամրջի վրա հարձակմանը։