Թալիբներն աջակցություն են հայտնել Ադրբեջանին
Աշխարհ
«Աֆղանստանի իսլամական էմիրությունը» պատրաստ է ապահովել Քաբուլում Ադրբեջանի դեսպանատան աշխատանքը։
Այս մասին CBC-Azerbaijan հեռուստաալիքին տված հարցազրույցում ասել է «Թալիբան» շարժման մամուլի քարտուղար Զաբիհուլլա Մուջահիդը։
«Մենք հարյուր տոկոսով պատրաստ ենք բացել Ադրբեջանի դեսպանատունը Աֆղանստանում։ Մենք պատրաստ ենք, այսպես ասած, հողին հավասարեցնել ու համապատասխան աշխատանքներ իրականացնել։ Մենք, մեր հերթին, նույնպես կցանկանայինք մեր ներկայացուցիչներն ունենալ Ադրբեջանում»,- ընդգծել է թալիբների պաշտոնական ներկայացուցիչը։
«Աֆղանստանի իսլամական էմիրությունը» նաև հայտարարել է, որ աջակցում է Ադրբեջանին՝ «տարածքային ամբողջականության» հարցում։
«Առաջին հերթին ուզում եմ ասել, որ մենք միշտ հանդես ենք եկել և ջատագովել, որ բոլոր երկրները հարգեն միմյանց սահմաններն ու տարածքային ամբողջականությունը։
Ինչպես գիտեք, տարածքային ամբողջականության հարցը չափազանց կարևոր է Աֆղանստանի համար։ Կարծում եմ, որ նույնքանով, որքանով դա կարևոր է Ադրբեջանի համար»,- ընդգծել է թալիբների պաշտոնական ներկայացուցիչը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
