«Բժիշկ Մահ» Ալյոնա Վերդին կասկածվում է իր մահը կեղծելու և Երևան փախչելու մեջ․ Life.ru

Երևանում հայտնաբերվել է կոսմետոլոգ, որը «կասկածելիորեն» նման է 2020 թվականի հունիսին Կրասնոդարում մահացած կեղծ վիրաբույժ Ալյոնա Վերդիին, ով այլանդակել էր մի քանի պացիենտների և ստացել «Բժիշկ Մահ» մականունը։ Այժմ շատերը կարծում են, որ հանցագործը երեք տարի առաջ կեղծել է իր մահը և տեղափոխվել Հայաստան։ «Ռոսիա-1» հեռուստաալիքի «Մալախով» հաղորդաշարի լրագրողները ուսումնասիրել են պատմությունը, գրում է Life.ru–ն։

Բժիշկ Եկատերինա Պարխոմենկոն կոսմետոլոգիական կլինիկա է բացել Երևանում հենց 2020 թվականին, երբ հաղորդվեց Վերդիի մահվան մասին։ Թղթակիցը սրահ է գնացել սովորական հաճախորդի անվան տակ և նկատել, որ կոսմետոլոգն իսկապես նման է հանգուցյալին։ Ուղիղ հարցին, թե կինը Վերդիի հետ կապ ունի՞, զրուցակիցը բացասական պատասխան է տվել։

«Ոչ, ես Ալենա Վերդին չեմ: Ես Կատերինա Սերգեևնան եմ, ազգանունս Պարխոմենկո է: Ահա, ես անձնագիր ունեմ», - ասել է նա:

Նրա խոսքով, Հայաստանում սեփական սրահ բացելը դժվար է, իսկ կեղծ փաստաթղթերով դա ընդհանրապես անհնար է։ Պարխոմենկոն վստահեցրել է, որ բիզնեսը ստեղծելիս մի շարք ստուգումներ է անցել։ Հաղորդման դիտողները կիսվել են իրենց կարծիքներով․ ոմանք հավատացել են կոսմետոլոգին, իսկ մյուսները կասկածել են, որ ինչ-որ բան այն չէ՝ վերջին խոսքը թողնելով իրավապահներին։

Կեղծ վիրաբույժ Ալյոնա Վերդին պլաստիկ վիրահատությունների ժամանակ այլանդակել էր մի քանի պացիենտի։ Հաղորդվում է, որ 2020 թվականի հունիսի սկզբին Վերդին հայտնվել է կոմայի մեջ, իսկ հունիսի 15-ին մահացել է Կրասնոդարի հիվանդանոցում՝ գիտակցության չգալով։ Կեղծ բժշկի ընկերը հրապարակել էր հանգուցյալի լուսանկարը սգո շրջանակում՝ նշելով, որ կինը թաղված է։

Այս թեմայով Բժիշկը որոշ մարդկանց կոչ է արել հրաժարվել սպիտակ բրնձից Հայկուհի Գեոկչյան. Կրծքագեղձի քաղցկեղի չորրորդ փուլում հայտնաբերման դեպքերը խիստ նվազել են Բժիշկը խորհուրդ է տվել մրսածության ժամանակ հրաժարվել որոշ մթերքներից «Զարգացնում ենք սցենարը՝ քննարկելով այն բժիշկների, 44-օրյայի մասնակիցների հետ». Ջիվան Ավետիսյան (լուսանկարներ) «Թիմերում աշխատող բժիշկները պետք է նորմալ վարձատրվեն, որպեսզի ցանկություն ունենան գալ սպորտային բժշկության ոլորտ». հավաքականի բժիշկ