«Հրապարակ». Արցախի ՊԲ-ն զինամթերքը հանձնել է ոչ թե Ադրբեջանին, այլ ռուսական կողմին
Հայկական Մամուլ
«Հրապարակ» թերթը գրում է. «Արցախի Պաշտպանության բանակը լուծարելուց հետո, մեր տեղեկություններով, բանակի զինվորական մեքենաների վրայից հանվել են զինվորական համարանիշները, փոխարենը դրվել են քաղաքացիական պետհամարանիշներ, որոնցով էլ մարդկանց են դուրս բերել Արցախից: Իսկ որ տեխնիկան հնարավոր չի եղել դուրս բերել, մեր տեղեկությամբ, որքան հնարավոր է եղել` փչացրել են. մի մասը՝ պայթեցման, մյուսները՝ խափանման ձեւով:
Նշենք նաեւ, որ ադրբեջանցիները հիմնականում ցուցադրում են այն զինամթերքը, որը բուն մարտական գործողությունների հետեւանքով է անցել իրենց վերահսկողության տակ: Եվ պայմանավորվածությունը եղել է այնպես, որ մնացած տեխնիկան ոչ թե ադրբեջանցիներին է հանձնվում, այլ՝ ռուսական կողմին, եւ հիմնական մասը հենց նրանց էլ հանձնվել է»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
