Ադրբեջանի հինգ քաղաքացիներ Շուշիում ողջ-ողջ այրվել են ավտոմեքենայի մեջ

Արցախում տեղի ունեցած ավտովթարի հետևանքով՝ հինգ ադրբեջանցի է մահացել, հայտնում են տեղական լրատվամիջոցները։

Վթարը տեղի է ունեցել Շուշիի մոտ՝ Քարին տակ գյուղի մոտ։ Նշվում է, որ վարորդը կորցրել է կառավարումը, ինչի հետևանքով՝ Nissan Navarra-ն դուրս է եկել ճանապարհի երթևեկելի հատվածից և շրջվել, ինչից հետո ավտոմեքենան բռնկվել է։ Հինգ ուղևոր ողջ-ողջ այրվել է, վարորդը այրվածքներով տեղափոխվել է հիվանդանոց։

Ավտոմեքենայում գտնվող բոլոր անձինք ճանապարհաշինական ընկերությունների աշխատակիցներ են եղել։