Պանամայում ամերիկացի թոշակառուն կրակել և սպանել է մայրուղին փակած ակտիվիստներին։

Պանամայում ամերիկացին գնդակահարել է երկու բնապահպան ակտիվիստների, ովքեր բողոքի ցույց են անցկացրել մայրուղում, հայտնում է Daily Mail-ը։

Թոշակառու փաստաբան 77-ամյա Քենեթ Դարլինգթոնը ձերբակալվել է։ Նրան մեղադրանք է առաջադրվել սպանության և ապօրինի զենք-զինամթերք պահելու համար։

Բողոքի ակցիայի մասնակիցները փակել էին մայրուղին՝ ի նշան բողոքի Պանամայի իշխանությունների և կանադական ընկերության միջև երկրի ամենամեծ պղնձի հանքը շահագործելու համաձայնության։ Մեքենայից իջնելուց հետո տղամարդը մեքենայի մյուս ուղևորներին ասել է. «Այսօր սա կավարտվի»։

Նա մոտեցել է ցուցարարների խմբին, որը բաղկացած է եղել հիմնականում ուսուցիչներից։ Այնուհետև նա գրպանից հանել է ատրճանակը և սկսել մայրուղին ազատել ավտոմոբիլային անվադողերից ու գերաններից պատրաստված պատնեշից՝ միաժամանակ շարունակելով վիճել ցուցարարների հետ։

Daily Mail-ի հրապարակած տեսանյութում երեւում է, որ դրանից հետո մի քանի տղամարդ մոտեցել են թոշակառուին։ Հանդիպումից հետո Դարլինգթոնը կրակել է երկու ցուցարարների վրա: Նրանցից մեկը տեղում մահացել է, մյուսը հոսպիտալացվել է, սակայն նրա կյանքը փրկել չի հաջողվել։