Մյոնխենգլադբախի Բորուսիան հաղթեց Շտուտգարտին

Բունդեսլիգայի 17-րդ տուրում Մյոնխենգլադբախի «Բորուսիան» 3։1 հաշվով հաղթեց «Շտուտգարտին»։

Առաջին կեսում դաշտի տերերից դուբլի հեղինակ դարձավ Ռոբին Հակը՝ աչքի ընկնելով 1-ին և 19-րդ րոպեներին։

56-րդ րոպեին Ջոշա Վագնոմանը կրճատեց հաշվի տարբերությունը։ 90+1-րդ րոպեին տանտերերից գոլի հեղինակ դարձավ Ջորդան Սիբաչոն։

Հայաստանի ազգային հավաքականի հարձակվող Հրանտ-Լեոն Ռանոսը  Մյոնխենգլադբախի «Բորուսիայի» հայտացուցակում էր, սակայն խաղադաշտ դուրս չեկավ։ «Բորուսիան» 20 միավորով 10-րդ տեղում է։ «Շտուտգարտը» 34 միավորով 3-րդն է։