Ինչ ունեցվածք ունի արդարադատության նորանշանակ փոխնախարարը

Գլխավոր քարտուղարից Արդարադատության փոխնախարար դարձած Սիրվարդ Գևորգյանը՝ նույն ինքը Սիվիկ Գևորգյանը, համաձայն «Ժողովուրդ» օրաթերթի՝ անունն անգամ փոխել է իշխանության սրտով լինելու համար։

Համաձայն Սիրվարդ կամ Սիվիկ Գևորգյանի՝ 2024 թվականին ներկայացված 2023 թվականի հաշվետու տարվա հայտարարագրի՝ նա ունի 2 անշարժ գույք, որոնց տվյալները պաշտպանված են կամ նրբորեն թաքցված։

Սեփական գույքը թաքցրել է փոխնախարարը, սակայն հայտարարագրել է Կենտրոն վարչական շրջանում մի բնակարան բազմաբնակարան շենքում, որը փաստացի իրեն չի պատկանում։

ԱՆ գլխավոր քարտուղար եղած ժամանակ Գևորգյանի բանկային հաշիվների մնացորդները կազմել են 1 մլն 334 հազար դրամ և 7 դոլար։

Փոխնախարար Գևորգյանի կանխիկ դրամական միջոցները կազմել են 12 մլն դրամ և 27 հազար դրամ։

Որպես տարեկան եկամուտ Գևորգյանը ՀՀ Արդարադատության նախարարությունից ստացել է 13 մլն 118 հազար դրամ։

Էմմա Միքայելյան