Ալիևը Իտալիայի նախագահի հետ հանդիպմանը կրկին շեշտել է ՀՀ սահմանադրության փոփոխության մասին

Իլհամ Ալիևը Իտալիայի նախագահ Սերջո Մատարելլայի հետ հանդիպմանը, ի թիվս այլ հարցերի, անդրադարձել է նաև Հայաստանի և Ադրբեջանի միջև «խաղաղության պայմանագրի» կնքմանը։ Գրում է 24news.am-ը։

 

Նա նշել է, թե հենց «Ադրբեջանն է Հայաստանի հետ խաղաղության պայմանագրի ստորագրման նախաձեռնողը, այդ պայմանագրի հիմքում ընկած սկզբունքները, ինչպես նաև Հարավային Կովկասում տարածաշրջանային համագործակցության նախագծերի նախաձեռնողը»։ 
 

Ալիևը հայտարարել է, թե «սահմանազատման և սահմանագծման գործընթացում լուրջ հաջողություններ են գրանցվել, երկկողմ բնույթ կրող այս գործընթացի շրջանակներում սահմանագծվել է ավելի քան 12 կիլոմետր սահմանային տարածք, ադրբեջանական 4 գյուղեր(խմբ․ Տավուշի մարզի գյուղերը), որոնք օկուպացվել են 1990-ականների սկզբից, վերադարձվել են իրենց երկրի վերահսկողությանը»: 

Ադրբեջանի նախագահը կրկին անդրադարձել է ՀՀ սահմանադրության փոփխության հարցին՝ նշելով, թե իբր «Ադրբեջանի նկատմամբ տարածքային պահանջները դեռևս պահպանվում են», նա ընդգծել է Սահմանադրության մեջ փոփոխություններ կատարելու մասին, որից հետո միայն բարենպաստ հող կստեղծվի երկու երկրների միջև խաղաղության պայմանագրի ստորագրման համար: