Թիկնիզյանը նշել է, թե ինչու ձմռանը չի տեղափոխվել Զենիթ

Հայաստանի ազգային հավաքականի և «Լոկոմոտիվի» պաշտպան Նաիր Թիկնիզյանը պատասխանել է այն հարցին, թե ինչու ձմեռային տրանսֆերային պատուհանի ժամանակ չի տեղափոխվել «Զենիթ»։

— Ի՞նչ է իրականում տեղի ունեցել «Զենիթի» հետ բանակցությունների ընթացքում։ 

— Այժմ իմաստ չունի խոսել ձմռանը կատարվածի մասին։ Ինձ հաճելի էր, որ իմ ծառայություններով նման ակումբ էր հետաքրքրվում։ Բայց «Լոկոմոտիվի» հետ միասին որոշեցինք, որ մրցաշրջանի երկրորդ հատվածում այստեղ մնալն ավելի լավ կլինի բոլորիս համար։

— Իսկ եթե «Զենիթը» նորից առաջարկ անի․․․

-Տեսնենք։ Ես չեմ կարող գուշակություն անել։ Ես հասկացա մի կարևոր բան՝ երբեք ոչ մի բանում վստահ լինել չես կարող։

2023/24 մրցաշրջանում Հայաստանի հավաքականի 25-ամյա ֆուտբոլիստը անցկացրել է 30 հանդիպում՝ դառնալով 9 գոլի և 6 գոլային փոխանցման հեղինակ։

Թիկնիզյանի պայմանագիրը «Լոկոմոտիվի» հետ ուժի մեջ է մինչև 2026 թվականի հունիսի 30-ը։

Transfermarkt պորտալը ֆուտբոլիստի արժեքը գնահատում է 7 միլիոն եվրո։

Աղբյուրը՝ Armsport