Երևան քաղաքի վարչnւթյան պետը, որպես ծանր դեuանտուրա, Վեդիում է. Փաշինյանին է դիմավորելու. MediaHub

Նիկոլ Փաշինյանն այսօր գնալու է Վեդի: Երեկվանից այս այցին ընդառաջ ակտիվ նախապատրաստություններ են տարվում ոստիկանության աշխատակիցների կողմից,  բացի այդ՝ իշխանությունը, որպես «մասովկա», ներգրավում է նաև անչափահասներին:

Մասնավորապես, լրագրող Սյուզի Բադոյանը ֆեյսբուքյան իր էջում հրապարակել է իրեն դիմած վեդեցիներից նամակագրությունից հատվածներ, որոնցից պարզ է դառնում, որ ոչ միայն առաջին դասարանցիներին են պարտադրում գալ Փաշինյանի հետ հանդիպման, այլև բարձր դասարանի երեխաներին՝ 4-րդ և 9-րդ, և նրանց ծնողներին:

Ի դեպ, խոսակցություններ կան, որ բացի դպրոցականներից, հնարավոր է, նաև մանկապարտեզների սաներին ստիպողաբար բերեն հանդիպման և, հակառակը՝ ծնողներին Փաշինյանին մոտ չթողնեն, որ վերջիններս, հանկարծ, «ընդդիմադիր պահվածքով կամ անհարմար հարցերով չփչացնեն վերջինիս՝ երջանիկ ու համերաշխ երկրի ղեկավարի պատկերը»:

MediaHub-ին հայտնի դարձավ, որ Նիկոլին ցուցադրական «ըստ արժանվույն» դիմավորելու օպերացիայում ներգրավված են ոչ միայն մարզի իրավապահ համակարգի պատասխանատուներ և ՔՊ-ականներ, այլև հայտնի դեմքեր, որոնք նախկինում Նիկոլի կողմից այդքան սիրված «նախկինների» աջ ձեռքն էին համարվում: Նույն ինքը՝ «Վեդի Ալկո»-ի սեփականատեր, ՀՀԿ խմբակցության նախկին պատգամավոր Մանվել Ղազարյանն ու նրա որդիները: 

Ավելին, որպես ծանր դեսանտուրա Վեդի է գործուղվել նաև ՀՀ ոստիկանության Երևան քաղաքի վարչության պետ Սևան Քոչարյանը: 

Այս պահին Վեդիում հարյուրավոր ոստիկաններ են, առաջիկա ժամերին քաղաքը կաթվածահար է արվելու իրավապահների կողմից՝ Նիկոլ Փաշինյանին են սպասում: