Բայդենը որդուն ներում չի շնորհի

ԱՄՆ նախագահ Ջո Բայդենը հայտարարել է, որ ներում չի շնորհելու որդուն՝ Հանթեր Բայդենին, որը, զենք պահելու մեղադրանքով, կանգնել է դաշնային դատարանի առջև։

ABC News-ին տված հարցազրույցում լրագրողի հարցին, թե արդյոք նա բացառում է, որ իր որդուն ներում կշնորհի, Բայդենը պատասխանել է՝ այո։

Հանթեր Բայդենը մեղադրվում է զենք վաճառողին ստելու, նրան կեղծ փաստաթուղթ ներկայացնելու համար այն մասին, որ ինքը թմրանյութ չի օգտագործում, ինչպես նաև 11 օր ապօրինի ատրճանակ պահելու մեջ։