Ակնհայտ է պատճառահետևանքային կապերի խեղաթյուրումը. Ռոբերտ Քոչարյանի գրասենյակը՝ Միքայել Սրբազանի հայտարարության մասին

Երկրորդ նախագահի գրասենյակի ղեկավար Բագրատ Միկոյանը մեկնաբանել է Շիրակի թեմի առաջնորդ Միքայել Արքեպիսկոպոս Աջապահյանի հայտարարությունը, թե Բագրատ Սրբազանի առաջնորդած շարժման անհաջողության հիմնական պատճառը երկրորդ և երրորդ նախագահների ստվերն է և ուրվականը:

 Նա, մասնավորապես, նշել է. «Ընթացիկ իրավիճակի մասին նրա մեկնաբանությունն առնվազն տարօրինակ է հնչում:

Ակնհայտ է պատճառահետևանքային կապերի խեղաթյուրում դատախազական անառարկելի տոնայնությամբ՝ մեղավորներ փնտրելու համար։ 

Մնում է գուշակել՝ դա անկեղծ մոլորությո՞ւն է, թե՞...»: