Իսրայելցի զինվորականները հարվածներ են հասցրել Լիբանանի մայրաքաղաքի հարավային ծայրամասերին, որտեղ տեղակայված են շիական «Հեզբոլլահ» շարժման օբյեկտները։ Այս մասին գրում է ՏԱՍՍ-ը, տեղեկացնում է euromedia24.com-ը:
Նշվում է, որ գործողությանը Իսրայելի ռազմաօդային ուժերի կործանիչներ են մասնակցել։ Ընդ որում, թիրախը եղել է Հարեթ-Հորեյք թաղամասը, հարձակումից հետո այնտեղ հզոր պայթյուն է որոտացել։Հոկտեմբերի 19-ին իսրայելական կործանիչները գնդակոծել էին նաեւ Բեյրութի հարավային ծայրամասերը։ Հարվածների հետևանքով Հարեթ–Հորեյք թաղամասում երեք պայթյուն է տեղի ունեցել։
Նախօրեին Իսրայելի պաշտպանության բանակի մամուլի ծառայությունը հայտարարել էր Լիբանանում ստորգետնյա գլխավոր հրամանատարական կենտրոնի և «Հեզբոլլահի» թունելներից մեկի ոչնչացման մասին։ Հայտարարության մեջ ընդգծվում էր, որ շիական շարժման անդամներն օգտագործել են այդ օբյեկտները հրեական պետության հյուսիսում գտնվող բնակավայրերի վրա հարձակվելու համար։
Ամենադիտված 
Ջուր չի լինի` դեկտեմբերի 24 և 25-ին մի շարք հասցեներում
