Մոլդովայում նախագահական ընտրությունների առաջին փուլում զբաղեցրել է Մոլդովայի գործող նախագահ Մայա Սանդուն

Մոլդովայի գործող նախագահ Մայա Սանդուն առաջին տեղն է զբաղեցրել երկրի ղեկավարի ընտրությունների առաջին փուլի արդյունքներով։ Այս մասին հայտնել է Մոլդովայի Կենտրոնական ընտրական հանձնաժողովը (ԿԸՀ)՝ արձանագրությունների 98,29 տոկոսի մշակման արդյունքներով,-հայտնում է РИА НОВОСТИ-ն։ 

Ինչպես հայտնել են հանրապետության ԿԸՀ-ից, ընտրությունների արդյունքներով Սանդուն ստացել է ընտրողների ձայների 41,92 տոկոսը: Երկրորդ տեղը զբաղեցրել է Մոլդովայի գլխավոր դատախազի պաշտոնից հեռացված, ծագումով Գագաուզիայից, սոցիալիստների կուսակցությունից թեկնածու Ալեքսանդր Ստոյանոգլոն՝ ձայների 26,35 տոկոսով: Քանի որ թեկնածուներից ոչ մեկը չի ստացել ձայների 50 տոկոսից ավելին, երկրում կհայտարարվի ընտրությունների երկրորդ փուլ, որին կմասնակցեն առաջին եւ երկրորդ տեղերը զբաղեցրած թեկնածուները: Այն կկայանա նոյեմբերի 3-ին։ 

Ավելի վաղ հայտնի էր դարձել, որ Մոլդովայի եվրաինտեգրման կողմնակիցների թիվը 88-ով գերազանցել է հակառակորդների թիվը: Նշվում է, որ Եվրամիությանն անդամակցելու օգտին քվեարկել է 721 760 քաղաքացի: Իր հերթին, ինտեգրմանը դեմ է արտահայտվել 721 672 ընտրող։

Թարգմ․ Ժաննա Պողոսյան