Ռուս ֆուտբոլիստ Իգոր Ակինֆեևը մեկ ակումբի հանդիպումների քանակով առաջ է անցել Լիոնել Մեսսիից

Մոսկվայի ԲԿՄԱ-ի դարպասապահ և ավագ Իգոր Ակինֆեևը մեկ ակումբում անցկացրած հանդիպումների քանակով շրջանցել է «Ինտեր Մայամի» արգենտինացի հարձակվող Լիոնել Մեսիին, այս մասին տեղեկացնում է, Чемпионат.сом:

Հոկտեմբերի 19-ին ԲԿՄԱ-ն Ռուսաստանի Պրեմյեր լիգայի 12-րդ տուրում 1:0 հաշվով արտագնա հաղթանակ տարավ Մախաչկալայի «Դինամոյի» նկատմամբ: Ակինֆեևը մեկնարկային կազմում խաղադաշտ է դուրս եկել ավագի թևկապով, նրա համար այս մենամարտը 779-րդն էր բանակայինների կարիերայում:

Մեսսին, ով 2021 թվականի ամռանը հեռացել էր «Բարսելոնայից», մեկ խաղ պակաս է անցկացրել կատալոնացիների կազմում: Այս ցուցանիշով ռեկորդակիրը Ռայան Գիգզն է, ով 963 հանդիպում է անցկացրել «Մանչեսթեր Յունայթեդում»:

Ակինֆեևը Ռուսաստանի վեցակի չեմպիոն է, երկրի յոթակի գավաթակիր, ՈՒԵՖԱ-ի գավաթի հաղթող և Ռուսաստանի ազգային հավաքականի կազմում Եվրոպայի 2008 թվականի առաջնության բրոնզե մեդալակիր: 

Թարգմ․ Ժաննա Պողոսյան