Հասարակական գործիչները Պետդումային խնդրել են արգելել ապրանքների վրա «Ես ռուս եմ» կարգախոսը

«Ժողովրդի կանչ» հասարակական շարժումը Պետդումայի պատգամավորներին խնդրել է պատրաստել և քննարկել օրինագիծ՝ վարկաբեկիչ համատեքստում ապրանքների վրա ազգերի անունների գրանցումն ու օգտագործումն արգելելու մասին, այս մասին հայտնում է «ՌԻԱ Նովոստի»- ն՝ վկայակոչելով գործակալության տրամադրության տակ գտնվող փաստաթուղթը։ Որպես օրինակ՝ հասարակական գործիչները մեջբերել են «Ես ռուս եմ» ապրանքային նշանի գրանցման երկու հայտ, որոնք երգիչ Յարոսլավ Դրոնովը (Shaman) ավելի վաղ ներկայացրել էր Ռոսպատենտ:

«Մենք խնդրում ենք Պետդումայի պատգամավորներին պատրաստել և քննարկել օրինագիծ, որն արգելում է ազգերի անունների, ազգային ինքնության և պետական, կրոնական խորհրդանիշների գրանցումն ու օգտագործումը ապրանքների վրա վարկաբեկող կամ վիրավորական համատեքստում», ասվել է «Ժողովրդի կանչ» հաղորդագրության մեջ:

Թարգմ․ Ժաննա Պողոսյան