Ֆինլանդիայի կառավարությունը հարյուր հազարավոր եվրո է հատկացրել «Ռուսաստանի լայնածավալ ազդեցության» ուսումնասիրության համար

Ֆինլանդիայի կառավարությունը հարյուր հազարավոր եվրո է հատկացրել 21-րդ դարում Ֆինլանդիայի վրա «Ռուսաստանի լայնածավալ ազդեցության» ուսումնասիրության համար։

Ֆինլանդիայի կառավարությունը 320 հազար եվրո է հատկացրել 21-րդ դարում Ֆինլանդիայի վրա «Ռուսաստանի լայնածավալ ազդեցության» ուսումնասիրության համար, այս մասին հայտնում է Ֆինլանդիայի նախարարների կաբինետի կայքը։

Հետազոտության հայտերի ընդունումը բացվել է հոկտեմբերի 21-ին։ Նախագծին կարող են մասնակցել համալսարանները, հետազոտական ինստիտուտները, ինչպես նաև ընկերություններն ու կազմակերպությունները:

Դիմումների ընդունման վերջնաժամկետն է նոյեմբերի 25-ը: 

Սեպտեմբերին ԱՄՆ պետքարտուղար Էնթոնի Բլինքենը մեղադրել էր ռուսական լրատվամիջոցներին, մասնավորապես «Ռուսաստանն այսօր» մեդիախմբին լրտեսության մեջ, նրանց դեմ «դիվանագիտական արշավ» էր սկսվել: Մայիսին հաղորդվել էր, որ ԱՄՆ պետդեպարտամենտը ամերիկյան Կոնգրեսից բյուջե է խնդրել Աֆրիկայում «ռուսական ազդեցությանը» հակազդելու հիմնադրամ ստեղծելու համար:

Ավելի վաղ ԱՄՆ հետախուզությունը հայտնել էր նախագահական ընտրություններում ՌԴ-ի համար նախընտրելի թեկնածուի անունը:

Թարգմ․ Ժաննա Պողոսյան