Իսրայելը հայտնել է Լիբանանում պատերազմն ավարտելու իր պայմանները
Աշխարհ
Իսրայելը Սպիտակ տանը տեղեկացրել է իր պայմանների մասին, որոնց համաձայն պատրաստ է դադարեցնել ռազմական գործողությունը Լիբանանում։ Այս մասին հայտնում է ամերիկյան Axios պորտալը։
«Անցյալ շաբաթ Իսրայելը ԱՄՆ-ին հանձնեց փաստաթուղթ դիվանագիտական կարգավորման իր պայմաններով, որը կավարտի պատերազմը Լիբանանում և թույլ կտա սահմանի երկու կողմերում տեղահանված խաղաղ բնակիչներին վերադառնալ իրենց տները», - ասվում է հրապարակման մեջ։
Ինչպես գրում է պորտալը, Իսրայելի պայմաններից մեկն այն է, որ իսրայելական բանակին թույլատրվի մասնակցել Լիբանանի «ակտիվ հարկադրանքին»։ Իսրայելը պետք է համոզվի, որ «Հեզբոլլահը» չվերազինվի և չվերականգնի իր ռազմական ենթակառուցվածքը հարավային Լիբանանի այն շրջաններում, որոնք մոտ են հրեական պետության հետ սահմանին:
Իսրայելը նաև պահանջում է, որ իր օդուժը լիբանանյան օդային տարածքում գործողությունների ազատություն ունենա։
Ավելի վաղ հաղորդվում էր, որ Լիբանանում մարտերի պատճառով Սիրիա է տեղափոխվել գրեթե 400 հազար մարդ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
