WhatsApp մեսենջերում զանգերի հետ կապված նոր գործառույթ կհայտնվի

WhatsApp-ը թույլ կտա Ձեզ ստեղծել անձնական և խմբակային չաթերում զանգերի հղումներ:

Հայտնի WhatsApp մեսենջերում զանգերի հետ կապված նոր գործառույթ կհայտնվի: Նորամուծության մասին հայտնում է WABetaInfo պորտալը։Հաղորդվում է, որ հղում ստեղծելու տարբերակը կհայտնվի հաղորդագրության մուտքագրման դաշտի կողքին գտնվող հատուկ հնարավորություններով ներդիրում:

Պորտալի տվյալներով՝ այդպիսով հնարավոր կլինի զրուցակիցներին հրավիրել ինչպես աուդիո, այնպես էլ տեսազանգերի։ Ստեղծված հղումը կարելի է տարածել ընթացիկ չատում կամ այլ պատուհաններում։ Ինչպես պարզաբանում է WABetaInfo-ն, այսօր մեսենջերի շատ օգտատերեր չգիտեն, որ դրանում կարելի է զանգերի հղումներ ստեղծել։ Նորամուծությունն այս տարբերակն ավելի տեսանելի կդարձնի։ Նշվում է, որ այս գործառույթը կհայտնվի Իոս օպերացիոն համակարգով աշխատող սարքերի համար հավելվածի բետա-տարբերակներում:

Ավելի վաղ հայտնի էր դարձել WhatsApp-ի մեկ այլ նոր գործառույթի մասին։ Հաղորդվում էր, որ մեսենջերում հնարավորություն կլինի չաթերի ցուցակները կազմել ըստ կատեգորիաների։ 

Թարգմ․ Ժաննա Պողոսյան