Ռուս դերասանուհի Ալենա Յակովլևան հոսպիտալացվել է

Ռուսաստանի ժողովրդական արտիստուհի Ալյոնա Յակովլևային Մոսկվայում հոսպիտալացրել են կույր աղիքի բորբոքման կասկածանքով, այս մասին 63-ամյա դերասանուհին պատմել է «Մոսկվա» գործակալությանը։

Յակովլևայի խոսքով՝ ինքը չի կարողացել մասնակցել Վախթանգովի անվան թատրոնում ստեղծագործական հանդիպմանը, քանի որ գտնվում է Սկլիֆոսովսկու անվան գիտահետազոտական ինստիտուտում: «Շտապօգնության մեքենայով տարան, հենց որ ներկայացումը խաղաց։ Բժիշկները կասկածում են, որ ես կարող եմ կույր աղիքի բորբոքում ունենալ: Եթե այդ կանխատեսումները հաստատվեն, ապա երեք-չորս օր հետո ինձ վիրահատություն է սպասվում», ասել է արտիստուհի Ալյոնա Յակովլևան։

Դերասանուհին գովել է բժիշկների աշխատանքը և հիվանդանոցում ախտորոշման հնարավորությունները։ Նա նշեց, որ իրեն հետևում են լավագույն մասնագետները։

Հոկտեմբերի 21-ին Վախթանգովի անվան թատրոնում պետք է տեղի ունենար ստեղծագործական հանդիպում Յակովլևայի հետ։ Կեսօրին հաստատությունից հայտնել են, որ հանդիպումը չի կայանա դերասանուհու հիվանդության պատճառով։ 

Նախօրեին երգչուհի Հավա Ղազախովան հոսպիտալացվել էր վթարից հետո։ Ղազախովան Ռոստովում կայացած համերգից հետո վթարի է ենթարկվել Դաղստան տանող ճանապարհին։ Դեպքի մանրամասները հայտնի չեն:

Ավելի վաղ Պանկրատով-Չեռնիխի կինը՝ Յուլիան, հերքել էր դերասանի շտապ վիրահատության մասին տեղեկությունը։ 

Թարգմ․ Ժաննա Պողոսյան