Դոնալդ Թրամփը մեծացրել է իր ընտրողների քվեարկության առավելությունը հակառակորդ Քամալա Հարիսից

ԱՄՆ նախագահի հանրապետական թեկնածու Դոնալդ Թրամփը մեծացրել է իր առավելությունը հակառակորդ Քամալա Հարիսից, այժմ Թրամփի օգտին պատրաստ է քվեարկել ընտրողների՝ 50 տոկոսը, Հարիսի օգտին՝ 47 տոկոսը, այս մասին են վկայում Rasmussen Reports-ի հարցման տվյալները։

«Թրամփը 3 տոկոսային կետով առաջ է անցել փոխնախագահ Կամալա Հարիսից 2024 թվականի նախագահական ընտրություններին նվիրված թարմ հարցման արդյունքում», ասվում է հաղորդագրության մեջ: 

Մինչ այդ Politico-ն հայտնել էր, որ Թրամփը կարող է պարտվել նախագահական ընտրություններում, սակայն, միևնույն է, կդառնա ԱՄՆ նախագահ: Հրապարակման հեղինակների կարծիքով՝ Թրամփը կարող է դիմել դատարան՝ ընտրությունների արդյունքները չճանաչելու պահանջով՝ կեղծիքի անհիմն մեղադրանքներ առաջադրելով։ Այդ կերպ նա կկարողանա ճնշում գործադրել պաշտոնյաների և կոնգրեսականների վրա։

Դրանից հետո Թրամփը կարող է դիմել նահանգների օրենսդիր մարմիններին, որտեղ մեծամասնությունը Հանրապետական կուսակցությունն է, խնդրելով նշանակել այլընտրանքային ընտրողներ: Այնուհետև նախկին նախագահը կարող է փորձել հասնել նրան, որ ԱՄՆ Կոնգրեսը չհաստատի Դեմոկրատական կուսակցությունից թեկնածու Քամալա Հարիսի օգտին տրված 270 ընտրական ձայները, որից հետո նախագահի ընտրությունը կփոխանցվի Ներկայացուցիչների պալատ, որտեղ հանրապետականները կարող են բավարար թվով ձայներ հավաքել Թրամփին հաջորդ նախագահ ընտրելու համար:

Ավելի վաղ Թրամփը պատմել էր, թե ինչ կլիներ Մերձավոր Արևելքի հետ իր նախագահության օրոք։

Թարգմ․ Ժաննա Պողոսյան